Bangjoco dino iki lagi sumringah, mergo arep kencan karo cewek bahenol seng wes suwi kenal neng pesbuk. Sore iki, ndekne cepet-cepet adus gasik. Nganggo klambi mlithit, parfume nyegrak koyo santri pondok pesantren, sisiran klimis nganggo minyak rambut orang-aring.

Deweke langsung mancal starter motor Honda CB sing wis direko-reko modifikasi, mungguhe ndekne wis keren pokokke. Cewek sing nduwe jeneng akun pesbuke Wiwien UntoekMoe Celaloe kui wis stanbay neng Taman KB.

Bangjoco : Ahaaaaa……Suwe ora jamu, jamu godong asem, suwe ora ketemu, ketemu pisan mesam mesem (Karo njawil janggut’e Wiwien).

Wiwien : Ih, mas Jo ki iso wae ah. (Nuthuk’i untune Bangjoco nganggo kontak motor)

Bangjoco : Suwe ora jamu, jamu pentil jagung, suwe ora ketemu, ketemu pisan marai bingung, Ahihi hihi (Nirukke suarane Bernard Bear)

Wiwien : Uluh uluuuuh Mas Jo ki lho. (Ngemut pucuk kain klambi)

Bangjoco : Suwe ora jamu, jamu godong jarak, suwe ora ketemu, ketemu pisan anune ndangak, heu heu heu heu crit…

Wiwien : Apane Mas?

Bangjoco : Sirahe iki lho Dik, hehe. Suwe ora jamu, jamu godong lanjaran, suwe ora ketemu, ketemu pisan pengen jaranan wkwkwkw (mrongos)

Wiwien : Ahihihihi… (menek geger’e Bangjoco)

Bangjoco : Beuh, alon-alon to dik cin…lanjut nyanyi yuk… suwe ora jamu, jamu godong blarak, suwe ora ketemu, ketemu pisan nggawe anak, kikuk kikuk…

Wiwien : Ih, mas Jo ki nakal..(Tersipu malu)

Isih merdu-merdune nyanyi karo uyel-uyelan, ujug-ujug mak bedunduk Begog pacar resmine Wiwien lewat.

Begog : Suwe ora jamu, jamu godong lamtoro, suwe ora ketemu, ketemu pisan golek perkoro (Karo mbatin, pantesan angel dihubungi…diamput)

Wiwien : Eh, Mas Begog. Piye kabare Mas? (Pengen salto)

Bangjoco : Rumangsamu sopo kowe, kok teko-teko arep golek perkoro..

Begog : Heh, Tengu, rumangsamu sopo kowe wani ngrayu-rayu calon bojoku! Setut san-ke!

Wiwien : Aduh mas, sabar ndisik maaaas, ojo podo gelut…aku njaluk wektu kanggo nyelesekne masalah iki mas (mewek)

Begog dan Bangjoco : Opo???!!!

Wiwien : Aku berharap.. Ojo ono sing njupuk keputusan sak durunge aku bali mrene yo??

Wiwien mlayu neng mburi warung karo nangis, nanging ora ono rong menit wes balik nemoni Begog karo Bangjoco.

Wiwien : Mas, iki tak gawakke pacul kanggo mas Begog, trus iki linggis kanggo Mas Jo, nek gelut seng ati-ati yo Mas. (Mlayu ngundang sopir taksi)

Begog + Bangjoco mung iso ndlongop kelangan masa depan. “Dik Wiewin, aku wis kadung kecemplung atimu,” jare Bangjoco karo mbrebes mili. (Frei Suwi)

LEAVE A REPLY

Please enter your comment!
Please enter your name here